Pawartos Basa Jawi

Pilkuda Ngagem Busana Jawa

Acara Pemilihan Ketua Pemuda (PILKUDA) Dusun 07 Puron sampun diadani rikala dinten Minggu Wage 16 Desember 2012 ing Pendopo Dukuh 07 Puron. Pemilihan ketua pemuda ingkang nembe kapisan dipunadani dening pemuda - pemudi Pedukuhan 07 Puron menika pikantuk apresiasi ingkang sae saking sedaya warga, amargi dipunadani proses pemilu. Pilkuda menika dipunwiwiti kanthi pasang gambar 5 calon ketua minangka kampanye inggih menika tanggal 12-14 Desember, dinten tenang inggih menika tanggal 15 Desember 2012. Dinten Minggu menika acara pemilihan.

“Pemilihan ketua pemuda ingkang dereng nate dipunadani dening pemuda – pemudi Dukuh 07 Puron saha nembe kapisan menika alhamdulillah pikantuk apresiasi ingkang sae saking sedaya pihak masyarakat. Kula minangka Ketua Panitia Pilkuda menika ngraosaken remen sanget, amargi saged nambah raos demokrasi dhumateng warga Puron saha saged nglestantunaken budaya Jawa saking sedaya panitia ingkang ngagem busana Jawa. Kirangipun raos tresna marang budaya Jawa tumrap para pemuda menika kedah dipuntebihaken, pramila saking ngagem busana Jawa menika sampun sae sanget kagem nepangakaen saha ngraketaken marang budaya Jawa menika. Ngagem busana kemawon kathah panyaruwe saking panitia wonten ingkang sarujuk saha boten ngendikanipun, ananging alhamdulillah sedaya saged sarujuk” ngendikanipun Ketua Pilkuda Agus Marwanto. Saking sedaya warga ingkang paring swanten kagem pemilihing ketua pemuda periode 2013-2015 menika ugi remen sanget, saking sedaya wakil saking saben Kepala Keluarga menika ingkang boten tindak namung 5%. Miturut Dukuh 07 Puron Bapak Suroso, “kula acungi jempol 5 kangge acara menika, mugi-mugi Dusun 07 Puron mliginipun Pemuda-Pemudi saged kompak saha saged nguri-uri kabudayan Jawi kanthi progam-progam ingkang dipun damel samangke”